ئەو هەتیوەی نابێت بە پیاو ؟!

About this book: ئەم كۆمەڵە چیرۆكەی نووسەری توركی بەناوبانگ )عەزیز نەسین( كە لەبەردەستتدایە بەرێكەوت وەرم نەگێڕاوەتە سەر زمانی كوردی، بەڵكو ئەوانەم هەڵبژاردوون كە لەگەڵ واقیعی ئەمڕۆماندا گونجاوەو كە دەیانخوێننەوە دەڵێی نەسین لە نێوماندایەو هەر ئەوڕۆ نووسیویانێتی، راستە من لە عەرەبییەوە وەرم گێڕاوون، وەلێ بەهۆی بەڕێز وەستا )محەمەد شرناخی(، كە خەڵكی شاری شرناخی باكووری كوردستانە ولە شاری كەركووك كاردەكات وكەسێكی زۆر رۆشنبیرە، هەموو چیرۆكەكانی لەگەڵ دەقە توركییەكاندا بەراوورد كرد، چونكی ئەوانەی وەریان گێرابووە سەر زمانی عەرەبی، دەیان هەڵەی تیادا كردبوو وەكو )بەهەڵە تێگەیشتن و پەڕاندنی وشەو دێڕو بگرە لەهەندێ چیرۆك پەرەگرافیشی پەڕاندووە(. وەستا محەمەد هەمووی راست كردنەوە، بۆیە بەتەنها سوپاس بەس نییە، بەڵكو خۆم بەمنەتبارو قەرزداری ماندووبونی دەزانم وسوپاسی ماندوووبونی بەڕێزان )شێخ لوقمان حوسێن( و )شنۆ ئیسماعیل( دەكەم، كە بەووردی پیاچوونەوەو چەندین هەڵەی زمانەوانی وتایپیان بۆم راست كردەوە. وهیچ كارێكیش بێ كەم وكوڕی نابێت، گەر هەر هەڵەو كەم كوڕیەكم هەبوو، داوا لە خوێنەرانی ئازیز دەكەم بەگەورەیی خۆیان بمانبەخشن..